Hygend hert!

Dit lyk of Lindsay Lohan vergeet het om in die spieël te kyk voordat sy afgesit het na die gala-geleentheid van die Amerikaanse Organisasie vir Vigsnavorsing in New York.

Dié omstrede aktrise se haardos het gelyk soos iets tussen Dolly Parton-kartels en ’n Afgaanse hond s’n.

Lohan het nog altyd die publiek verbaas met haar uiteenlopende haarstyle én -kleure.

Dié een is die toppunt.

Haar bottelblonde hare het soos ’n pruik gelyk; met krulle wat los aan die onderkant gehang het.