Londen. – ’n Voormalige bouler van Essex het die eerste Engelse krieketspeler geword wat tronk toe gestuur word vir wedstrydknoeiery.

Mervyn Westfield is ’n vonnis van vier maande tronkstraf opgelê ná hy erken het hy het in September 2009 ingestem om 12 lopies af te staan in die eerste boulbeurt van ’n wedstryd tussen Durham en Essex – en met £6 000 (sowat R72 000) vergoed is daarvoor. Regter Anthony Morris het gesê Westfield se straf moet dien as “afskrikmiddel” vir ander spelers. – AFP